«Сахам талба танаһа» Зинаида Понохова кинигэтин презентацията

«Сахам талба танаһа» Зинаида Понохова кинигэтин презентацията үөрүүлээх түгэнэ Ахсынньы 28 күнүгэр Намнааҕы педагогическай колледжка өрөгөй күнэ үүннэ.
Колледж саамай инники күөҥҥэ илдьэ сылдьара, тумус туттара «Сардаана» муода театра буолар. Театр тэриллэн үлэлээбитэ быйыл номнуо 27 сыл буолла. Бу сыллар тухары «Сардаана» мода театрын салайааччытынан Нам улууһун иккис дойду оҥостубут, мантан кынаттанан тахсыбыт, норуоппут үрдүк духовнай сайдыытын, өбүгэ үтүө үгэһин симэлиппэккэ, искусствобыт сайдарын туһугар бэйэтин туохха да кэмнэммэт кылаатын киллэрэ сылдьар талба талааннаах уһуйааччы, Сунтаар улууһуттан төрүттээх Зинаида Дмитриевна Понохова буолар. Бүгүн Зинаида Дмитриевна өр сылларга үлэлээн мунньуммут билиитэ-көрүүтэ түмүллэн, ис-дууһатыттан ылсан үлэлиир, уустаан-ураннаан оҥоруу искусство эйгэ кистэлэнин арыйар, хас эмэ сыллар усталарыгар үлэлээбит, өбүгэлэрбит иискэ дьарыктарын үйэтитэр үлэтин «Сахам талба таҥаһа» диэн, саҥа тахсыбыт кинигэни сүрэхтэннэ!

1995 сыллаахха «Сардаана» муода театрын 6 сыллаах үлэтин түмүгүнэн айар киэһэ буолан ааспыта. Бу тэрээһин художник-модельер Зинаида Дмитриевна муода сурунаала тахсыытыгар анаммыта. Сурунаал 3000 экземплярынан «Бичик» национальнай кинигэ кыһатыгар бэчээттэнэн тахсыбыта. Манна таҥас тигэргэ көмө киэптэр, элбэх хаартыскалар, сахалыы стиллээх соннор, сүктэр кыыс былааччыйалара, эр киһи ырбаахытын киэргэтии ньымалара сырдатыллыбыттара. Салгыы уһун сыллаах, сыралаах айар үлэ 2006 сыллаахха «Өбүгэбит таҥаһын сөргүтэн», 2011 сыллаахха «Ыhыах танаhа» диэн альбом-сурунаал буолан тахсыбыттара. Бу сурунаалларга театр туһунан сырдатыы, ыһыах таҥастарын коллекцията, киэптэрэ, хаппар араастара, ханнык дьүһүннээх таҥаһы уонна отделканы туттуохха, ханнык өҥнөрү дьүөрэлиэххэ сөбө сүбэ-ама быһыытынан киирбиттэрэ. Онон иистэнэр эрэ дьоҥҥо буолбакка, дьахтар аймахха барыларыгар туһалаах сурунааллар тахсыбыттара.

 

Элбэх хаартыскалардаах бу, саҥа тахсыбыт  «Сахам талба таҥаһа» 2016 сыл, кинигэҕэ кэрэ анардар хас биирдии оһуор суолтатын, өҥү-дьүһүнү сатаан дьүөрэлииргэ дьиҥ сахалыы куттаах буоларга үөрэтэр. Онон, төрүт иис киһини ураты турукка киллэрэн, санааны сааһылаан, умсугутар, угуйар ураты күүһүн бу кинигэ5э итэ5этиилээхтик арыйар. Дьыл-хонук ааьар. Саҥа саҕахтар, саҥа көрүүлэр… 
Бириэмэ хардыытын кытта таҥас-сап өҥүгэр-дьүһүнүгэр, быһыытыгар-таһаатыгар, киэргэлигэр-симэҕэр эмиэ уларыйыы киирэн иһэрэ оруннаах. Ол да буоллар өбүгэлэрбит барахсаттар таҥастарын үөрэтэн эрэ баран, аныгылыы уларытан, тупсаран  тиктии бу аныгы үйэ ирдэбилэ. Элбэх сыллар  тухары «Сардаана» муода тыйаатыра үгэс буолбут өбүгэлэрбит таҥастарын үөрэтэн, дьарыктанан, тигэн, олоххо киллэрэн, айан-тутан үлэлээн кэллэ. Дьахтар уонна эр киһи соннорун, халадаай уонна сахалыы киэргэтиилээх киэһээҥҥи мааны былааччыйалары, кэһиэччиктэри, сэлиэччиктэри, кыргыттарга тэттик халадаай былааччыйалары, ыһыах таҥаһын уонна «Кыталыктар», «Садаана» уонна атын коллекциялары  Сахабыт сирин дьонун-сэргэтин сыанабылыгар таһаарбыта, сэҥээриини ылла.
Зинаида Дмитриевна дьоро киэнээтигэр сылаас тыллары эгэрдэни этэн аастылар:

Надежда Павловна Мурукучаева Намнаҕы педагогическай колледж уонна Ил Тумэн Почетнай грамоталарын дохсун ытыс тыанынан туттарда

 Нам улууна муниципальнай тэриллии банылыгын бастакы солбуйааччыта Инна Иннокентьевна Сивцева, Нам улууһун Почетнай грамотатын туттарда

 Нам улууна муниципальнай тэриллии культураҕа уонна духуобунай сайдыыга управлениятын начальнига Елена Александровна Заровняева эҕэрдэ тыла 

 
Ленскай нэнилиэк муниципальнай тэриллии банылыгын солбуйааччыта 
Андрей Виссарионович Бочкарев Махтал сурук туттарар түгэнэ


 
Нам улууһун үөрэҕин управлениятын эбии үөрэхтээһин салаатын сэбиэдиссэйэ Наталья Степановна Рехлясова эҕэрдэтэ
 


Попова А.Д. уонна Андросова Н.П. НКИ «Бичик» издательство үлэһиттэрэ

 
«Сахам талба танаһа» быыстапкаҕа

Күндү Зинаида Дмитриевна! Бүгүҥҥү үөрүүлээх «Сахам талба таҥаһа» кинигэн сүрэхтэниитинэн, 60 сааскын туолар өрөгөйдөөх үбүлүөйгүнэн итиитик-истиҥник эҕэрдэлиибит! Эрчим тэтим бэйэҕин кэмэ суох кэрэхсиибит, айар-тутар үлэҕин сөҕө-махтайа көрөбүт. Инникитин даҕаны үлүскэн үлэн, үтүө түмүгэ сүргэҕин көтөхтүн, үөрүүгүн үрдэттин! Дьиэ-кэргэҥҥэр ил-эйэ эҥэрдэстин, дьол-саргы тосхойдун!
Айар талаан алыбыгар ылларан, ис дууһаҕын аһан,  истиҥ иэйиигин киллэрэн туран,  кэрэ эйгэтигэр ону тэҥэ иис араас ымпыгар-чымпыгар эдэр ыччаты уһуйан үөрэтиин,  кинилэр мындыр-уус, киэн фантазиялаах иис уруогун учууталлара буолан  тахсалларыгар  киэҥ суоллары тэлэҕин, айымньылаах аартыктары арыйаҕын
Баҕарабыт эйиэхэ, күндү киһибитигэр  туппутун тупсан, талбытын табыллан иһиэхтин! Кэрэҕэ дьулуһуун, кэрэҕэ сүгүрүйүүн хаһан да уостубатын! Саҥаттан саҥа ситиһии, сонунтан сонун арыйыы сүргэҕин көтөҕөн, санааҕын кынаттаан, үрдүктэн-үрдүккэ көтүтэ туруохтун!

Слепцова М.В. – отделения «Технология» сэбиэдиссэйэ
Ахсынньы 28 кунэ

Комментарии

Отправить комментарий

By submitting this form, you accept the Mollom privacy policy.
RSS-материал