«СЫЛ БАСТЫҤ УЧУУТАЛА» БҮТҮН АРАССЫЫЙАТААҔЫ КҮРЭХ ФИНАЛИСТАРА

Биллэрин курдук, ханнык баҕарар үөрэх кыһата үөрэтэн-үүннэрэн таһаарбыт ыччаттарын ситиһиититтэн долгуйа үөрэр, киэн туттар. Биһиги да ити үгэстэн туора турбаппыт: выпускниктарбыт үлэлэрин-хамнастарын харахпыт далыгар тутабыт. Кинилэр бары эйгэҕэ инники күөҥҥэ сылдьаллар диэтэхпитинэ, омун буолбата буолуо.  Муус, мас, тимир, сиэлинэн оҥоһуктар күрэхтэригэр, кэрэ эйгэтин үөскэтиигэ, норуот маастардарын ситиһиилэригэр элбэхтик Намнааҕы училище (кэлин колледж) аата ааттанар.

Дьокуускайга сүүрбэһис төгүлүн «Сыл бастыҥ учуутала» өрөспүүбүлүкэтээҕи күрэх буола турар. Манна даҕатан эттэххэ, биһиги үөрэхпит кыһатын бүтэрээччилэр манна эмиэ ситиһиилээхтик кытталлар. Ол курдук, НПУ-ну 1980 сыллаахха бүтэрбит ЮМШАНОВ МИР АФАНАСЬЕВИЧ, оччолорго Үөһээ Дьааҥы оройуонун Арыылаах орто оскуолатын уруһуй уонна үлэ уруоктарын учуутала, 1995 сыллаахха «ЈРЈСПҮҮБҮЛҮКЭ БАСТЫҤ УЧУУТАЛА» бочуоттаах ааты ылары ситиспитэ уонна Москуба куоракка тиийэн учууталлар Бүтүн Арассыыйатааҕы күрэхтэригэр кыттан, Арассыыйа биэс чулуу учууталларын ахсааныгар киирэри ситиспитэ, «Искусство уонна культура» номинацияҕа кыайыылааҕынан тахсыбыта!!! Маннык үрдүк чыпчаалга тахсыбыт выпускникпытынан бары киэн туттабыт, уолбутун уруйдуубут-айхаллыыбыт!!!

 

1995 сыллаахха бүтэрбит НОВГОРОДОВ АЛЕКСАНДР ВАЛЕРЬЕВИЧ, оччолорго Нам улуустааҕы гимназиятыгар черчение учууталлынан үлэлии сылдьан, 2009 сыллаахха «ӨРӨСПҮҮБҮЛҮКЭ БАСТЫҤ УЧУУТАЛА» бочуоттаах ааты ылары ситиспитэ уонна Москуба куоракка тиийэн учууталлар Бүтүн Арассыыйатааҕы күрэхтэригэр ситиһиилээхтик кыттыбыта, Намнааҕы педагогическай училище аатын өссө төгүл ааттаппыта!

Билигин киэн туттар выпускникпыт Нам улуустааҕы гимназиятын дириэктэринэн үлэлии-хамныы олорор. Киниэхэ сылайбат сындааһыны, чэгиэн-чэбдик доруобуйаны, үлэтигэр үрдүк ситиһиилэри, тус олоҕор дьолу-соргуну баҕарабыт!

 

Быйылгы үөрэх дьылыгар «Ыллык» литературнай куруһуок үлэтин олохтоох поэт, журналист, улууска «Отуу уота» айар түмсүүнү төрүттээбит, «Эҥсиэли» хаһыакка уһуннук эрэдээктэрдээбит НИКОЛАЙ МИХАЙЛОВИЧ РЫКУНОВ төрөөбүтэ 80 сылын бэлиэтиир улуустааҕы тэрээһинтэн саҕалаата. Ол курдук, балаҕан ыйын 9 күнүгэр Даадарга Николай Рыкунов скверигэр, «Дьахталларга» диэн айымньытынан оҥоһуллубут пааматынньыкка сырыттылар. Онно оҕолор поэт биир бастыҥ айымньытын кытта билистилэр, билигин үлэлии-хамныы сылдьар суруйааччылары – народнай поэт Иван Васильевич Мигалкины,  Николай Егорович Винокуров-Урсуну, «Чолбон» сурунаал эрэдээктэрин Данил Николаевич Макеевы, «Саха сирэ» хаһыат корреспонденын Надежда Парфеновна Егоровна-Намылыны, техническэй билим дуоктарын, поэт Егор Гаврильевич Старостин-Байаҕантайы, Уус Алдан улууһун айар куттаах «Уһуктуу» дьахталлар түмсүүлэрин - уу харахтарынан көрдүлэр, тылларын-өстөрүн иһиттилэр, хаартыскаҕа түһүстүлэр.

 

 

 

Комментарии

Отправить комментарий

By submitting this form, you accept the Mollom privacy policy.
RSS-материал